Face Of Nation 02-07-2022 : સબ ટીવીનો પોપ્યુલર શો ‘તારક મહેતા કા ઉલ્ટા ચશ્મા’ છેલ્લા ઘણા સમયથી ચર્ચામાં છે. છેલ્લા ઘણા દિવસથી સમાચાર આવી રહ્યા છે કે ટપુનો રોલ પ્લે કરી રહેલો રાજ અનડકટ શો છોડી રહી રહ્યો છે, પરંતુ શોના મેકર્સે આ વાત વિશે કોઈ સત્તાવાર નિવેદન નથી આપ્યું. જ્યારે મંદાર ચાંદવડકર એટલે કે ભિડેને ટપુના શો છોડવા વિશે પૂછવામાં આવ્યું તો તેમની વાત પરથી લાગ્યું કે કદાચ રાજ હવે શોનો ભાગ નહીં હોય.
મેં ટપુને સેટ પર જોયો નથી- ભિડે
પિંકવિલાના રિપોર્ટ પ્રમાણે, મંદાર ચાંદવડકરે જણાવ્યું હતું કે, એક આર્ટિસ્ટ તરીકે વાત કરું તો મને નથી ખબર કે તેણે શો છોડ્યો છે કે નહિ, પરંતુ તેને હેલ્થ ઈસ્યુ છે, જેને કારણે તે છેલ્લા ઘણા દિવસથી શોનું શૂટિંગ નથી કરી રહ્યો. મેં તેને સેટ પર નથી જોયો. તેના થોડા દિવસ પહેલાં શોમાં તારક મહેતાની ભૂમિકા ભજવનાર શૈલેષ લોઢાએ પણ શોને અલવિદા કહી દીધું હતું.
રાજ અનડકટ અત્યારે માતા-બહેનની સાથે દુબઈમાં
રાજ અનડકટ અત્યારે પોતાની માતા અને બહેનની સાથે દુબઈમાં વેકેશન એન્જોય કરી રહ્યો છે. રાજે સોશિયલ મીડિયા પર પોતાના વેકેશનના ફોટો શેર કર્યા છે. રાજ એક વ્લોગર પણ છે, તેણે હાલમાં જ જણાવ્યું હતું કે તે પોતાના ફેન્સને એક ગુડ ન્યૂઝ આપવાનો છે. હકીકતમાં રાજે બોલિવૂડ એક્ટર રણવીર સિંહની સાથે ફોટો શેર કરી જણાવ્યું હતું કે, તે એક મોટા પ્રોજેક્ટ પર કામ કરી રહ્યો છે અને ટૂંક સમયમાં એના વિશે બધાને જણાવશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
