Face Of Nation:રાજકોટમાં ગત મોડી રાત્રે સૌરાષ્ટ્ર યુનિવર્સિટી રોડ પર આવેલા પેટ્રોલ પંપ પાસે હવામાં ફાયરિંગની ઘટના બની હતી. કુખ્યાત ભુમાફિયા કમલેશ રામાણી 4 રાઉન્ડ ફાયરિંગ કરીને ફરાર થઈ ગયો હતો.હાલ તેમના વિરુદ્ધ ગુનો નોંધાયો છે. રાજકોટ પોલીસે કુખ્યાત ભુમાફિયા કમલેશ રામાણી વિરુદ્ધ એટ્રોસિટી અને ફાયરિંગનો ગુનો નોંધાયો છે. સમગ્ર મામલે પોલીસે ઘટનાસ્થળે પહોંચી તપાસ શરૂ કરી છે.
આ ઘટનાની મળતી માહિતી પ્રમાણે, રાજકોટમાં ગત મોડી રાત્રે સૌરાષ્ટ્ર યુનિવર્સિટી રોડ પર આવેલા પેટ્રોલ પંપ પાસે નશો કરેલા યુવકને કારચાલક સાથે બોલાચાલી થઈ હતી. જેથી પોલીસે નશો કરેલા યુવકની પૂછપરછ હાથ ધરી હતી.આ ઘટનામાં ફાયરિંગ કરી નાશી છૂટેલ કારચાલક કુખ્યાત કમલેશ રામાણી હોવાનું સામે આવ્યું હતું. રાજકોટ પોલીસે કુખ્યાત ભુમાફિયા કમેલશ રામાણી વિરૂદ્ધ ગુનો નોંધી તેની શોધખોળ શરૂ કરી છે.કમલેશ રામાણી વિરુદ્ધ એટ્રોસિટી અને ફાયરિંગનો ગુનો નોંધાયો છે. જો કે કમલેશ રામાણી પર આ પહેલા પણ અનેક ગુનાઓ નોંધાઈ ચૂક્યા છે. તેમ છતાં તેની પાસેથી હથિયાર કેવી રીતે આવ્યું તે મામલે પણ પોલીસ તપાસ કરી રહી છે. ફાયરિંગની ઘટનાને લઈને પેટ્રોલ પંપ પાસે પોલીસનો ચાંપતો બંદોબસ્ત ગોઠવી દેવામાં આવ્યો છે અને પોલીસે કમલેશ રામાણીને શોધવા માટે તપાસના ચક્રો ગતિમાન કર્યાં છે.
