Face Of Nation 05-04-2022 : રશિયા અને યુક્રેન વચ્ચે યુદ્ધ 40 દિવસ પછી પણ ચાલી રહ્યું છે. આ યુદ્ધમાં કિવ, ખાર્કિવ, બુચા અને મારિયુપોલ શહેર બરબાદ થઈ ગયાં છે. આ યુદ્ધમાં સતત નિર્દોષ લોકોનાં મોત થઈ રહ્યાં છે અને તેમાં મહિલાઓ અને બાળકો પણ સામેલ છે. આ દરમિયાન હવે યુક્રેનના કોઈ ને કોઈ વિસ્તારમાંથી ભયાનક તસવીરો સામે આવી રહી છે. તાજેતરમાં જ યુક્રેનના સંસદસભ્ય લિજિયા વાસિલેંકે આરોપ લગાવ્યો છે કે, રશિયન સૈનિકો છોકરીઓ સાથે દુષ્કર્મ કરીને તેમની હત્યા કરી રહ્યા છે. એ ઉપરાંત મૃતદેહો પર ડામ આપીને સ્વસ્તિકનાં નિશાન બનાવી રહ્યા છે. ટ્વીટ કરીને મહિલા સાંસદે કહ્યું છે કે, રશિયન સૈનિકો 10 વર્ષની બાળકીઓને પણ નથી છોડતા અને તેમની સાથે પણ દુષ્કર્મ કરી રહ્યા છે.
શરીર પર પીડા આપ્યાનાં નિશાન
લિજિયાએ તેમના એક ટ્વીટમાં કહ્યું છે કે રશિયન સૈનિકો લૂટ-ફાંટ, રેપ અને હત્યાઓ કરી રહ્યા છે. મહિલાઓના શરીર પર સ્વસ્તિક આકારના ડામ આપવામાં આવી રહ્યા છે. રશિયા અનૈતિક ગુનાખોરીનો દેશ છે. લિજિયાએ તેમના અન્ય એક ટ્વીટમાં ડામ આપીને સ્વસ્તિકનું નિશાન બનાવેલી તસવીર શેર કરીને લખ્યું છે કે આ મહિલાનો રેપ કરીને તેની હત્યા કરવામાં આવી છે. શરીર પર પીડા આપ્યાનાં નિશાન પણ છે. મારી પાસે શબ્દો નથી. મારું મગજ ગુસ્સા, ડર અને નફરતને કારણે કામ કરતું બંધ થઈ ગયું છે.
માતાએ બાળકની પીઠ પર લખ્યું નામ-એડ્રેસ
રશિયા-યુક્રેન યુદ્ધ દરમિયાન વધુ એક ચોંકાવનારી તસવીર સામે આવી છે. આ તસવીરમાં ડાયપર પહેરેલી એક નાનકડી બાળકીની પીઠ દેખાય છે. તેની પીઠ પર બાળકીનું નામ વેરા મરોવી લખ્યું છે. આ ઉપરાંત તેની પીઠ પર તેના ઘરનું એડ્રેસ અને ફોન નંબર પણ લખ્યો છે. આ બધું તેની માતા સાશા મકોવીએ લખ્યું છે. બાળકીની પીઠ પર આ બધું એટલે લખ્યું છે, કારણ કે જો બાળકીની માતાનું રશિયન હુમલામાં મોત થઈ જાય તો બાળકની ઓળખ થઈ શકે અને તેને કોને સોંપવી એ પણ સામેની વ્યક્તિને ખબર હોય. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
