Face Of Nation 12-06-2022 : ભારત અને દક્ષિણ આફ્રિકા વચ્ચે બીજી T20 મેચ કટકના બારાબતી સ્ટેડિયમમાં રમાઈ હતી. જેમાં SAને જીતવા માટે 149 રનનો ટાર્ગેટ મળ્યો હતો. આ દરમિયાન આફ્રિકન ટીમે 10 બોલ પહેલા સ્કોર ચેઝ કરી 4 વિકેટથી મેચ જીતી લીધી છે. તેવામાં હવે 5 મેચની આ સિરીઝમાં દ.આફ્રિકા 2-0થી આગળ છે. તો બીજીતરફ સ્કોર ચેઝ દરમિયાન SAના બેટર હેનરિક ક્લાસેને 46 બોલમાં 81 રનની મેચ વિનિંગ ઈનિંગ રમી હતી. જ્યારે ભારતીય ટીમના અનુભવી પેસર ભુવનેશ્વર કુમારે 4 વિકેટ લઈ મેચ જીવંત રાખી હતી.
હાર્દિક પંડ્યા અને રિષભ પંતનું ખરાબ પ્રદર્શન
બીજી મેચમાં ટીમ ઈન્ડિયાના કેપ્ટન રિષભ પંતનું પ્રદર્શન કંઈ ખાસ રહ્યું નહોતું. તેણે 7 બોલમાં 5 રન જ કર્યા હતા. જ્યારે કેશવ મહારાજે તેની વિકેટ લીધી હતી. પંત ઓફ-સ્ટમ્પની બહારના બોલ પર શોટ મારવા ગયો અને ડીપ પોઈન્ટ પર કેચઆઉટ થયો હતો. પંતના આઉટ થયા પછી બેટિંગ કરવા આવેલો હાર્દિક પંડ્યા પણ કંઈ ખાસ કરી શક્યો નહોતો અને તે 9 રન કરીને પેવેલિયન ભેગો થઈ ગયો હતો.
ઉમરાનને ફરીથી પ્લેઈંગ ઈલેવનમાં સ્થાન ન મળ્યું
ઉમરાન મલિકને બીજી ટી20માં પણ તક મળી નથી. પ્રથમ મેચમાં હારનો સામનો કર્યા પછી એવું અનુમાન લગાવાઈ રહ્યું હતું કે ઉમરાનને બીજી મેચમાં તક મળી શકે છે, પરંતુ તેમ થયું નહીં. ભારતીય ટીમે એ જ ખેલાડીઓને તક આપી છે જેઓ પ્રથમ મેચમાં ટીમનો ભાગ હતા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
