Face Of Nation 28-05-2022 : શાહરૂખ ખાનનું ઘર ‘મન્નત’ ઘણા સમયથી સોશિયલ મીડિયા પર ટ્રેન્ડ કરી રહ્યું છે. ગયા મહિને શાહરૂખના બંગલા મન્નતની નેમ પ્લેટ બદલવામાં આવી હતી, જે ફેન્સની વચ્ચે ઘણી પોપ્યુલર હતી. થોડા દિવસથી એક્ટરનો બંગલો અને તેની નેમ પ્લેટ ફરીથી ચર્ચામાં છે. હકીકતમાં આ વખતે ફેન્સે નોટિસ કર્યું કે મન્નતની નેમ પ્લેટ ગાયબ છે. આવું પહેલા ક્યારેય નથી બન્યું.
મન્નતની નેમ પ્લેટ ગાયબ થવાથી ફેન્સ પરેશાન
મન્નતની નવી અને કિંમતી નેમ પ્લેટમાંથી એક ડાયમંડ નીકળી ગયો હતો. જેના કારણે નેમ પ્લેટને રિપેરિંગ કરવા માટે કાઢવામાં આવી છે. તે શાહરૂખના ઘરમાં જ છે અને ટૂંક સમયમાં રિપેર થયા પછી ફરીથી લગાવવામાં આવશે. નેમ પ્લેટ મિસિંગ થવાના કારણે શાહરૂખના ફેન્સને નિરાશ થઈને પરત ફરવું પડ્યું છે.
નેમ પ્લેટની કિંમત 25 લાખ રૂપિયા છે
શાહરૂખની પત્ની ગૌરી ખાનના સુપરવિઝનમાં આ નેમ પ્લેટને તૈયાર કરવામાં આવી હતી, જે એક ઈન્ટિરિયર ડિઝાઈનર છે. ગૌરી ઈચ્છતી હતી કે તેના ઘરની નેમ પ્લેટ કંઈક અલગ હોય. રિપોર્ટમાં પણ એવું કહેવામાં આવી રહ્યું છે કે, ગૌરીને તેના બંગલા માટે કંઈક ક્લાસી જોઈતું હતું, જે તેની ફેમિલીના સ્ટાન્ડર્ડને મેચ કરી શકે, તેથી તેણે આ નેમ પ્લેટ પસંદ કરી. તેની કિંમત લગભગ 25 લાખ રૂપિયા હોવાનું કહેવામાં આવી રહ્યું છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
