Face Of Nation 06-06-2022 : ‘તારક મહેતા કા ઉલ્ટા ચશ્મા’માં તારક મહેતાનો રોલ પ્લે કરતાં શૈલેષ લોઢાએ આ શો છોડી દીધો છે. હવે એવી ચર્ચા થઈ રહી છે કે શૈલેષ લોઢા પ્રોડ્યુસર અસિત મોદીનો ફોન પણ ઉપાડતા નથી. આટલું જ નહીં, શૈલેષ લોઢા તથા અસિત મોદી વચ્ચે મધ્યસ્થી કરનારા એક્ટર્સનો ફોન પણ શૈલેષ લોઢા રિસીવ કરતા નથી. તો બીજીતરફ પ્રોડ્યુસર માટે તારક મહેતા વગર શો ચલાવવો ઘણો જ મુશ્કેલ છે. છેલ્લા ઘણા સમયથી શૈલેષ લોઢાએ સિરિયલના સેટ પર આવવાનું બંધ કરી દીધું છે. હવે એ વાત સામે આવી છે કે શૈલેષ લોઢા કયાં કારણોથી સેટ પર આવતા નથી. શૈલેષ લોઢા સિરિયલમાં ના આવવા માટે મક્કમ છે. શૈલેષ લોઢા સાથે ફોન પર વાત કરવી પણ ઘણી જ મુશ્કેલ છે. તેમણે ફોનમાં એ રીતનું સેટિંગ કર્યું છે કે, મોટા ભાગના કોલ્સ એક રિંગ પછી ડિસકનેક્ટ થઈ જાય છે.
શૈલેષ લોઢા નવા શોમાં જોવા મળશે
શૈલેષ લોઢા શેમારુ ટીવી પર જૂન મહિનામાં શરૂ થનારા શો ‘વાહ ભાઈ વાહ’ને હોસ્ટ કરશે. આ શો પોએટ્રી બેઝ પર આધારિત છે. આ શોમાં ઊભરતા કવિઓને પોતાની પ્રતિભા માટે પ્લેટફોર્મ આપવામાં આવશે. ટૂંક સમયમાં આ શોનો પ્રોમો લૉન્ચ કરાશે.
દિલીપ -શૈલેષ વચ્ચે સારા સંબંધો નથી
શૈલેષ લોઢા છેલ્લાં 14 વર્ષથી આ સિરિયલમાં કામ કરી રહ્યા છે, પરંતુ તેમને ઓછું ફૂટેજ મળતું હોવાથી તેઓ આ વાતથી નારાજ છે. સિરિયલના ઘણા એક્ટર્સે શૈલેષ લોઢા વિરુદ્ધમાં છે. અસિત મોદીને આશા છે કે શૈલેષ લોઢા સાથેની સમસ્યાનું સમાધાન થઈ જશે. જોકે એ વાત ના ભૂલવી જોઈએ કે દિશા વાકાણી પાંચ વર્ષે પણ શોમાં પરત ફરી નથી. અસિત મોદી માત્ર દિશા વાકાણીને જ નહીં, પરંતુ ગુરુચરણ સિંહ તથા નેહા મહેતાને પણ શોમાં પરત લાવી શક્યા નથી.
પ્રયાસો નિષ્ફળ રહ્યા તો ઓડિશન શરૂ થશે
અસિત મોદીને લાગશે કે શૈલેષ લોઢા માનતા નથી તો તે તરત જ ઓડિશન શરૂ કરશે અને સિરિયલમાં નવા તારક મહેતા જોવા મળશે. શૈલેષ લોઢાએ ‘તારક મહેતા..’ અંગેનો સવાલ ટાળ્યો હતો. બુક લૉન્ચ ઇવેન્ટમાં શૈલેષ લોઢાને એ સિરિયલમાં ક્યારે પરત ફરશે એ અંગે સવાલ કરવામાં આવ્યો હતો. આ સમયે એક્ટરે એમ કહ્યું હતું કે તેઓ બુક લૉન્ચમાં આવ્યા છે અને ત્યાંથી નીકળી ગયા હતા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
