Face Of Nation 25-06-2022 : મહારાષ્ટ્રમાં છેલ્લાં 4 દિવસથી ચાલી રહેલા રાજકીય સંકટ વચ્ચે ઉદ્ધવ ઠાકરેએ શુક્રવારે સાંજે શરદ પવારની સાથે બે કલાક મીટિંગ કરી. જે બાદ તેમને શિવસેનાના નગરસેવકોને સંબોધન કર્યું. ઠાકરેએ કહ્યું કે થોડો દિવસ પહેલાં જ્યારે મને બળવાની શંકા થઈ તો મેં એકનાથ શિંદેને ફોન કર્યો અને કહ્યું કે શિવસેનાને આગળ લઈ જવાનું તમારું કર્તવ્ય પુરું કરો, આવું કરવું યોગ્ય નથી.
ડેપ્યુટી સ્પીકરે 16 ધારાસભ્યોને નોટિસ મોકલી શકે છે
મહારાષ્ટ્ર વિધાનસભાના ડેપ્યુટી સ્પીકર નરહરિ જિરવાલે શિવસેનાના 16 બળવાખોર ધારાસભ્યોને નોટિસ મોકલી શકે છે. ઉદ્ધવ જૂથે 16 ધારાસભ્યોને અયોગ્ય ગણાવવા માટે ચિઠ્ઠી વિધાનસભાના ડેપ્યુટી સ્પીકર નરહરિ જિરવાલને મોકલ્યો હતો. શિવસેનાની લીગલ ટીમ પણ વિધાનસભા પહોંચી હતી. સરકારે AGને પણ બોલાવ્યા હતા.
પહેલાં આવો અને અમને જણાવો અને પછી જાવ
તેમને મને કહ્યું કે NCP-કોંગ્રેસ આપણને ખતમ કરવાના પ્રયાસમાં છે અને ધારાસભ્યો ઈચ્છે છે કે આપણે ભાજપની સાથે જઈએ. મેં તેમને કહ્યું હતું કે જે ધારાસભ્ય આવું કરવા ઈચ્છે છે તેમને મારી પાસે લાવો. ભાજપ, જેને આપણી પાર્ટી, મારા પરિવારને બદનામ કર્યું, તે જ છે જેની સાથે જવાની તમે વાત કરી રહ્યાં છો. આ વાત શક્ય જ નથી. ધારાસભ્યો જો ત્યાં જવા ઈચ્છે છે તો તેઓ જઈ શકે છે. હું નહીં રોકું. જો કોઈ જવા માગે છે, તે પછી ધારાસભ્ય હોય કે અન્ય કોઈ. પહેલાં આવો અને અમને જણાવો અને પછી જાવ.
ફરી રાજીનામાની રજૂઆત કરી
જો તમને લાગે છે કે હું બેકાર છું અને પાર્ટી ચલાવવા માટે અસમર્થ છું, તો મને જણાવો. હું પોતાને પાર્ટીથી અલગ કરવા માટે તૈયાર છું, તમે જણાવી શકો છો. તમે અત્યાર સુધી મારું સન્માન કર્યું કેમકે બાળાસાહેબે એવું કહ્યું હતું. જો તમે કહો છો કે હું અક્ષમ છું, તો હું હાલ આ ઘડીએ પાર્ટી છોડવા તૈયાર છું.
અમારા લોકોએ પીઠમાં ખંજર માર્યું
કોંગ્રેસ-NCP આજે અમને સમર્થન આપી રહ્યાં છે, શરદ પવાર અને સોનિયા ગાંધીએ અમને સમર્થન આપ્યું પરંતુ અમારા લોકોએ જ અમારી પીઠમાં છરો ઘોંપ્યો. અમે એવા લોકોને ટિકિટ આપી જેઓ જીતી શકવામાં અસમર્થ હતા અને અમે તેમને વિજયી બન્યા. તેઓએ અમારી પીઠમાં છરો માર્યો છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
