કંગના રનૌતનો ઉદ્ધવ ઠાકરે પર કટાક્ષ; એક્ટ્રેસે કહ્યું, ‘શિવસેનાએ હનુમાન ચાલીસાને બૅન કરી, પછી તો તેમને શિવ પણ બચાવી શકે તેમ નથી’

Face Of Nation 30-06-2022 : બોલિવૂડ એક્ટ્રેસ કંગના રનૌત ફિલ્મી કરિયરને બદલે વિવાદાસ્પદ નિવેદનોને કારણે જાણીતી છે. કંગના રાજકીય મુદ્દે અચૂકથી વાત કરતી હોય છે. મહારાષ્ટ્રમાં ચાલતા રાજકારણ પર કંગનાએ સો.મીડિયામાં વીડિયો શૅર કર્યો છે. કંગનાએ મહારાષ્ટ્રના પૂર્વ મુખ્યમંત્રી ઉદ્ધવ ઠાકરેને આડેહાથ લીધા હતા. તો બીજીતરફ કંગનાએ કહ્યું હતું, ‘1975ના પછી આ સમય ભારતના લોકતંત્ર માટે સૌથી મહત્ત્વપૂર્ણ સમય છે. 1975માં લોકનેતા જે પી નારાયણની એક લલકારથી ‘સિંહાસન છોડો’થી જનતા આવે છે અને સિંહાસન પડી જાય છે. 2020માં મેં કહ્યું હતું કે, લોકતંત્ર એક વિશ્વાસ છે અને સત્તાના અભિમાનમાં આવીને જે આ વિશ્વાસને તોડે છે, તેનો અહં પણ તૂટશે તે નક્કી છે.’
હનુમાનજીને શિવનો 12મો અવતાર માનવામાં આવે છે
વધુમાં કંગનાએ કહ્યું હતું, ‘આ કોઈ વ્યક્તિ વિશેષની શક્તિ નથી. આ શક્તિ સાચા ચરિત્રની છે. બીજી વાત હનુમાનજીને શિવનો 12મો અવતાર માનવામાં આવે છે. જ્યારે શિવસેનાએ હનુમાન ચાલીસાને બૅન કરી દીધા પછી તો તેમને શિવ પણ બચાવી શકે તેમ નથી. હર હર મહાદેવ. જય હિંદ. જય મહારાષ્ટ્ર.’ તો બીજીતરફ કંગનાએ વીડિયો શૅર કરીને કહ્યું હતું, ‘જ્યારે પાપ વધી જાય છે ત્યારે સર્વનાશ થાય છે અને પછી સર્જન થાય છે.’ (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).