Face Of Nation 04-04-2022 : સ્માર્ટ સિટીઝમાં ડાઇનેમિક રેન્ક કેટેગરીમાં દેશના 100 સ્માર્ટ સિટીની યાદી બહાર પાડવામાં આવી છે જેમાં સુરત પ્રથમ ક્રમે રહ્યું છે. આ રેન્કિંગમાં ટોપ 10માં ગુજરાતના બે શહેરોનો સમાવેશ થયો છે, જેમાં અમદાવાદ છઠ્ઠા ક્રમે રહ્યું છે. પ્રોજેક્ટ, ગ્રાન્ટ વપરાશ જેવા માપદંડ આધારે રેન્કિંગ કરાયું હતું. સુરતમાં સ્માર્ટ સિટી અંતર્ગત 2936 કરોડના 81માંથી 69 પ્રોજેક્ટ પૂર્ણ થઈ ગયા છે. વહીવટી કામગીરી, નાણાંકીય બાબત તેમજ પ્રોજેકટ પૂર્ણ કરી અમલીકરણ જેવા પરફોમન્સ આધારિત ગુણને ધ્યાનમાં લેવાયા હતા. સુરતના મેયર હેમાલી બોઘાવાલાએ આ પ્રસંગે જણાવ્યું હતું કે, સુરતને સ્માર્ટ સિટીઝમાં ડાઇનેમિક રેન્ક કેટેગરીમાં પ્રથમ ક્રમાંક મળ્યો ત્યારે હું સુરતના મ્યુનિસિપલ કમિશનર અને અન્ય અધિકારીઓ અને પદાધિકારીઓને ઓભાર માનું છું. તેમણે કહ્યું કે સ્માર્ટ સિટી અંતર્ગત કુલ 140માંથી 128 ગુણ મેળવીને સુરત અવ્વલ રહ્યું છે. સુરતમાં 81માંથી 79 પ્રોજેક્ટ પૂર્ણ કરાયા છે અને બાકીના પ્રોજેક્ટ પણ વહેલી તકે પૂર્ણ કરી લેવામાં આવશે.
દેશના ટોપ 10 રેન્કમાં આવેલાં શહેરોની યાદી > સુરત, આગ્રા, વારણસી, ભોપાલ, ઇન્દોર, અમદાવાદ, પુણે, રાંચી, લખનઉ અને ઉદયપુર છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
