ફેસ ઓફ નેશન, 12-04-2020 : કોરોનાનું સંકટ દિવસે દિવસે વધતું જઈ રહ્યું છે. આ રોગથી બચવા કેટલાક નિયમોનું પાલન કરવું જરૂરી છે. તેમ છતાં કેટલાક લોકો આ નિયમો પડતા નથી. સોલા પોલીસ સ્ટેશનના પીઆઇ જે.પી.જાડેજાની સૂચનાથી સોલા પોલીસ સ્ટાફે જુદા જુદા કેસો કરી 57 લોકોની ધરપકડ કરી છે. આ તમામ 57 લોકો શાકભાજી વેચનારા છે.
સાયન્સસીટી રોડ ઉપર સોલા બીઆરટીએસ બસ સ્ટેન્ડ પાસે 10 લારીઓ વાળાની ધરપકડ કરી હતી. 16ની જનતાનગર ઘાટલોડિયા ખાતેથી ધરપકડ કરી હતી. પીએસઆઈ જે.જે.રાણા પોલીસ સ્ટાફના નરેશભાઈ, અમિતભાઇ, પ્રવીણભાઈ, વાલજીભાઈ સાથે પેટ્રોલિંગમાં હતા. તે દરમ્યાન તેઓએ ચાણક્યપુરીથી 8 અને શાયોનાસીટીથી 15ની ધરપકડ કરી હતી. આ તમામ લોકો સોશિયલ ડિસ્ટન્સનું પાલન કર્યા વિના ટોળા ભેગા કરી શાકભાજી વેચતા હતા.
તો બીજી બાજુ શુકન મોલ નજીક પેટ્રોલિંગ કરી રહેલી પોલીસે એક ફોર્ચ્યુનર કાર ચાલકની પણ ધરપકડ કરી હતી. આ કાર ચાલક કોઈ પણ કારણ વિના બહાર ટહેલવા નીકળ્યા હતા. જેમાં ઉર્વીશ જીગ્નેશભાઈ પટેલ સહીત રાહીલ ગજ્જર અને જશ છાબરાની ધરપકડ કરી હતી. સોલા પોલીસે એક જ દિવસમાં સોશિયલ ડિસ્ટન્સનું પાલન ન કરતા હોવાથી 57 શાકભાજી વેચનાર વિરુદ્ધ ગુનો દાખલ કર્યો છે. (સતત સમાચારોની અપડેટ મેળવવા 9328282571 નંબર આપના વોટ્સએપ ગ્રુપોમાં એડ કરો. આપની આસપાસ બનતી ઘટનાઓ પણ અમને ફોટો કે વિડિયો મોકલાવો. આપ અમને ફેસબુકમાં પણ લાઈક કરીને સતત અપડેટ મેળવી શકો છો. ફેસબુકમાં આપ અમને faceofnation.news નામથી સર્ચ કરી શકો છો)
અમદાવાદ : ચાંદલોડિયાના આલ્ફા કોમ્પ્લેક્સમાંથી નમાઝ અદા કરતા 6ની ધરપકડ
