Face Of Nation : અમરનાથ યાત્રા ઉપર આતંકી હુમલાનો ભય જણાતા તાત્કાલિક ધોરણે યાત્રા અટકાવી દેવામાં આવી છે અને તમામ યાત્રાળુઓને પરત ફરવા આદેશ આપી દેવામાં આવ્યા છે. શુક્રવારે સુરક્ષા દળોએ અમરનાથ યાત્રા ઉપર આતંકીઓના હુમલાના ષડયંત્રને નાકામ કર્યું છે. આતંકીઓ સ્નાઇપર ગનથી અમરનાથના યાત્રિકો ઉપર હુમલો કરવાના હતા, પરંતુ સુરક્ષાદળોએ તેને નાકામ બનાવી દીધા છે. આ સાથે સુરક્ષાદળોને તપાસ દરમ્યાન બારુદી સુરંગ અને અન્ય વિસ્ફોટકો પણ મળી આવ્યા છે જેની ગંભીરતા ધ્યાને લઈને તત્કાલ આ યાત્રા અટકાવી દેવામાં આવી છે.
