Face Of Nation 23-06-2022 : બોલિવૂડ સ્ટાર તથા બિઝનેસમેન સુનીલ શેટ્ટીનો એક વીડિયો વાઇરલ થયો છે. જેમાં સુનીલ શેટ્ટી મુંબઈની સૌથી મોટી ઝૂંપડપટ્ટી ધારાવીમાં ચક્કર લગાવે છે. સુનીલ શેટ્ટીને આ રીતે ફરતો જોઈને આસપાસના લોકો તેના હાલચાલ પણ પૂછતા જોવા મળ્યા હતા. તો બીજીતરફ સુનીલ શેટ્ટીની ફિટનેસ જોઈને ચાહકો ફિદા થઈ ગયા હતા. સુનીલ શેટ્ટી અહીંયા શૂટિંગ અર્થે આવ્યો હતો.
કોણ વિશ્વાસ કરશે કે તે 60નો છે
સુનીલ શેટ્ટી રિયાલિટી શોમાં હોસ્ટની ભૂમિકામાં જોવા મળશે અને તેણે ધારાવીમાં શૂટિંગ કર્યું હતું. 60 વર્ષીય સુનીલ શેટ્ટીને ધારાવીમાં ફરતો જોઈને ચાહકો એક્ટરની ફિટનેસના કાયલ થઈ ગયા હતા. એક યુઝરે કહ્યું હતું કે તે ક્યારેય ઘરડો લાગશે નહીં. અન્ય એકે કમેન્ટ કરી હતી કે કોણ વિશ્વાસ કરશે કે તે 60નો છે. કેટલાંકે મજાકમાં ફિલ્મ ‘ધડકન’ને યાદ કરીને કહ્યું હતું કે, આ તો અંજલિનું મેજિક છે. તો કેટલાંક યુઝરે એમ પણ કહ્યું હતું કે તે અંજલિને શોધે છે.
MMA રિયાલિટી શો ‘કુમીતે 1 વૉરિયર’ હોસ્ટ કરી રહ્યો છે
સુનીલ શેટ્ટી ભારતનો પહેલો MMA રિયાલિટી શો ‘કુમીતે 1 વૉરિયર’ હોસ્ટ કરી રહ્યો છે. આ રિયાલિટી શો સ્પોર્ટ્સ બેઝ છે. આ સિરીઝમાં 16 MMA ફાઇટર્સ હશે. આ ફાઇટર્સ ભારતના વિવિધ રાજ્યોના હશે. તેમને ઓડિશનના વિવિધ રાઉન્ડ બાદ સિલેક્ટ કરવામાં આવશે. આ શોમાં મહિલા-પુરુષ બંને હશે. જે આ શો જીતશે તેને ઇન્ટરનેશનલ પ્લેટફોર્મ પર ભારતને રિપ્રેઝન્ટ કરવાની તક મળશે. આ શો MX પ્લેયર પર ટૂંક સમયમાં સ્ટ્રીમ કરવામાં આવશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
