Face Of Nation 26-05-2022 : જમ્મુ કાશ્મીરના ચાદૂરામાં આતંકીઓએ ટીવી કલાકાર અમરીન ભટની ગોળી મારીને હત્યા કરી દીધી. જેને તાત્કાલિક હોસ્પિટલ લઈ જવાયા પરંતુ તે પહેલાં જ તેને જીવ છોડી દીધો. ફાયરિંગમાં અંબરીનાનો 10 વર્ષનો ભત્રીજો પણ ઘાયલ થયો છે. તો બીજીતરફ TV એક્ટ્રેસ અમરીન પોતાના ઘરની બહાર 10 વર્ષના ભત્રીજાની સાથે ઊભા હતા. ત્યારે અચાનક જ હુમલાખોર આવ્યા અને તેના પર અંધાધુંધ ફાયરિંગ કરી દીધું. હુમલા પછી બંનેને તાત્કાલિક નજીકની હોસ્પિટલ લઈ જવાયા જ્યાં અમરીને સારવાર દરમિયાન જીવ છોડ્યો. તેમના ભત્રીજાના હાથમાં ગોળી લાગી છે. ભત્રીજાની સ્થિતિ હાલ ખતરાથી બહાર હોવાનું જણાવવામાં આવ્યું છે. પોલીસે જણાવ્યું કે ઘટનામાં આતંકી સંગઠન લશ્કર-એ-તોયબાના ત્રણ આતંકીઓ સામેલ હતા. તેમની તપાસ ચાલી રહી છે.
એક દિવસ પહેલાં જ પોલીસકર્મીની થઈ હત્યા
જમ્મુ કાશ્મીરના શ્રીનગરના અનચાર સૌરા વિસ્તારમાં આતંકીઓએ એક પોલીસકર્મી સૈફુલ્લા કાદરીની ગોળી મારીને હત્યા કરી દીધી હતી. ઘટનામાં તેમની 9 વર્ષની દીકરી કાદરી પણ ગોળી મારવાને કારણે ઘાયલ થઈ ગઈ હતી.પોલીસે જણાવ્યું હતું કે આતંકીઓએ પોલીસ કર્મચારીના ઘરમાં ઘુસીને બંને પર ગોળીઓ ચલાવી હતી. તેમને સારવાર માટે નજીકની હોસ્પિટલમાં દાખલ કરવામાં આવ્યા હતા જ્યાં સૈફુલ્લાએ જીવ છોડ્યો હતો. ઘટના સૌરાના મલિકા સાબ વિસ્તારની હતી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
