Face Of Nation 10-06-2022 : ગુજરાતની યાત્રા પર પહોંચેલા નરેન્દ્ર મોદી નવસારી જિલ્લાની મુલાકાતે આવ્યા હતા, ત્યારે કરોડોની પરિયોજનાઓની સોગાત પોતાની સાથે લાવ્યા હતાં. ખુડવેલની સભામાં હાજરી આપ્યા પહેલા તેમણે તેમના વડનગરના 88 વર્ષીય શિક્ષક જગદીશ નાયકની મુલાકાત કરી હતી. પ્રધાનમંત્રી નરેન્દ્ર મોદીને ધો-1 અને 2માં જેમણે ભણાવ્યા હતા, તે શિક્ષકને જોતાં જ પ્રધાનમંત્રી મોદી પણ ભાવુક થયા હતા.
શિક્ષકે પોતાના શિષ્યને ગળે લગાવી દીધા
હાલમાં પ્રધાનમંત્રીના શિક્ષક જગદીશ નાયક વ્યારા ખાતે રહે છે. થોડા દિવસો અગાઉ તેમની પત્નીનું નિધન થતાં તેઓ એકલવાયું જીવન જીવી રહ્યા છે. નવસારીના ખુડવેલમાં નિરાલી હોસ્પિટલ ખાતે પોતાના વડનગરના પૂર્વ શિક્ષકને મળતાં જ શિક્ષક અને શિષ્ય બંને ભાવુક થયા હતા. પોતાના શિષ્યને પ્રધાનમંત્રીના રૂપમાં જોઈને તરત જ શિક્ષકે પોતાના શિષ્ય નરેન્દ્ર મોદીને ગળે લગાવી દીધા હતા. લાંબા સમય સુધી બંને જણાએ જૂની યાદો વાગોળી હતી.
પ્રધાનમંત્રીએ તેમના શિક્ષક સાથે જૂની યાદો વાગોળી
વ્યારા ખાતે રહેતા જગદીશ નાયકે અગાઉથી પીએમ ઓફિસમાં પ્રધાનમંત્રીને મળવા માટે જાણ કરી હતી. જેના પગલે પ્રધાનમંત્રી મોદીએ તેમને ખુડવેલની નિરાલી હોસ્પિટલ ખાતે મળવા બોલાવ્યા હતા. પ્રધાનમંત્રી મોદીએ તેમના ખુડવેલ ખાતેના કાર્યક્રમ પહેલા તેમના શિક્ષક સાથે મુલાકાત કરી હતી અને સારો એવો સમય તેમની સાથે પસાર કર્યો હતો.
બંનેનો ફોટો સોશિયલ મીડિયામાં વાઇરલ થયો
પ્રધાનમંત્રી મોદીને પોતાના વડનગરના શિક્ષક સાથે મુલાકાત પણ થઇ હતી. પ્રધાનમંત્રી મોદી અને શિક્ષક બંન્નેનો ફોટો સોશિયલ મીડિયામાં વાયરલ થયો છે. પ્રધાનમંત્રીના આગમન પહેલા ખુડવેલમાં આદિવાસી નૃત્ય અને રંગારંગ કાર્યક્રમ પણ યોજાયો હતો. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
