શિક્ષક “પિતા હેવાન બન્યો”; બિહારના સમસ્તીપુરમાં પોતાની દીકરીનો પિતા દરરોજ કરતો “બળાત્કાર”, “માતા” પણ પિતાને આપતી હતી સાથ!

Face Of Nation 06-05-2022 : બિહારના સમસ્તીપુરમાં કાળજું કંપાવી દે એવી એક ઘટના સામે આવી છે. સમસ્તીપુરમાં શિક્ષક પિતા પોતાની જ 18 વર્ષની દીકરી પર બળાત્કાર કરી રહ્યો હતો. આમાં છોકરીની માતા પણ પિતાને સાથ આપતી હતી. તે દીકરીને ધમકી આપતો હતો, પરંતુ જ્યારે તેનાથી સહન ન થયું ત્યારે તેણે પોલીસ સ્ટેશનમાં ફરિયાદ કરી. દીકરીએ પોતે જ તેના પિતાના ગંદા કૃત્યનો વીડિયો બનાવ્યો અને પછી તેણે તે વીડિયો પોલીસ સ્ટેશનમાં પોલીસને બતાવ્યો હતો. તેણે પોતાના મિત્રોને પણ આ વીડિયો મોકલ્યો હતો. પોલીસે આરોપી શિક્ષકની ધરપકડ કરી લીધી છે. યુવતીની મોટી બહેન પરિણીત છે. એક નાનો ભાઈ છે. ઘટના બાદથી દીકરી તેના મામાના ઘરે છે.
આરોપી પિતાની ધરપકડ,દરરોજ બળાત્કાર કરતાં
યુવતીની ફરિયાદ બાદ પોલીસે ગુરુવારે આરોપી પિતાની ધરપકડ કરી હતી. તેની ઉંમર 50 વર્ષની છે. હાલ પોલીસ તેની પૂછપરછ કરી રહી છે. આ મુદ્દા પર ભાસ્કરે સૌથી પહેલા સમાચાર ચલાવ્યા હતા, ત્યાર બાદ આજે આ કાર્યવાહી કરવામાં આવી છે. ભાસ્કર પાસે તે વીડિયો પણ છે, પરંતુ અમે તે વીડિયો તમને બતાવી શકતા નથી. તો બીજીતરફ યુવતીનો આરોપ છે કે તેના પિતા તેની સાથે દરરોજ બળાત્કાર કરતા હતા. જ્યારે તેણે માતાને આ અંગે ફરિયાદ કરી ત્યારે તેણે પણ તેને જ દોષિત ગણાવી હતી. આ બાબતે તે ખૂબ જ પરેશાન થઈ ગઈ હતી. ત્યાર પછી દીકરીએ જણાવ્યું કે જ્યારે હું મારા પિતા વિરુદ્ધ ફરિયાદ લઈને રોસડા પોલીસ સ્ટેશન પહોંચી ત્યારે પોલીસકર્મીઓએ મને ભગાડી દીધી હતી.
ફરિયાદ બાદ દીકરીને મામા પોતાના ઘરે લઈ ગયા
રોસડા એસડીપીઓ સહરિયાર અખ્તરે જણાવ્યું હતું કે આરોપી પિતાની ધરપકડ કરવામાં આવી છે. તેની પૂછપરછ ચાલી રહી છે. જો વધુ લોકો ગુનામાં સંડોવાયેલા હશે તો તેમની સામે પણ કાર્યવાહી કરવામાં આવશે. ફરિયાદ બાદ દીકરીને તેના મામા પોતાના ઘરે લઈ ગયા હતા. તેના પર તેવું દબાણ કરવામાં આવી રહ્યું છે કે તે વીડિયોને એડિટ કરવામાં આવ્યો છે એવું જણાવે અને તે પિતા સામેની ફરિયાદ પાછી ખેંચી લે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).