રાજકોટ-જામનગર હાઇવે પર ઇકો કાર અને ટ્રક વચ્ચે અકસ્માત, કાર ડાબી બાજુની સાઇડથી આખી દબાઇ ગઇ, એકનું ઘટનાસ્થળે જ મોત, ચાર વ્યક્તિ ઘાયલ!

Face Of Nation 22-06-2022 : રાજકોટ-જામનગર હાઇવે પર તરઘડી નજીક ઇકો કાર અને ટ્રક વચ્ચે ગંભીર અકસ્માત સર્જાયો છે આ અકસ્માતમાં એક વ્યક્તિનું ઘટના સ્થળે મોત નીપજ્યું છે. જયારે ચારને ગંભીર ઇજા પહોંચતા 108 એમ્બ્યુલન્સ મારફત સારવાર અર્થે રાજકોટ સિવિલ હોસ્પિટલ ખસેડવામાં આવ્યા છે.
એકનું મોત, ચાર લોકોને ઈજા
રાજકોટથી જામનગર તરફ જતી ઇકો કાર અને ટ્રક વચ્ચે અકસ્માત સર્જાયો હતો જેમાં ઇકો કાર ડાબી બાજુની સાઇડથી આખી દબાઇ ગઇ હતી અને ગંભીર અકસ્માત સર્જાયો હતો. આ અકસ્માતમાં એક પુરુષનું ઘટના સ્થળે જ મોત નીપજ્યું હતું. જયારે ચાર જેટલા લોકોને ઇજા પહોંચતા સારવાર અર્થે 108 એમ્બ્યુલન્સ મારફત સિવિલ હોસ્પિટલ ખસેડવામાં આવ્યા હતા. પોલીસે હાલ મૃતકનું પોસમોર્ટમ કરાવી અકસ્માતે મોત અંગે ફરિયાદ નોંધવા તજવીજ હાથ ધરી છે.
હાઇવે ઉપર ટ્રાફિકજામના દૃશ્યો સામે આવ્યાં
રાજકોટ જિલ્લામાં છેલ્લા ઘણા સમયથી અકસ્માતનું સિલસિલો યથાવત જોવા મળી રહ્યો છે. ત્યારે હાલ અકસ્માત સર્જાતાં જ રાજકોટ-જામનગર હાઇવે ઉપર ટ્રાફિકજામના દૃશ્યો સામે આવ્યાં હતાં. આજુબાજુના લોકો તેમજ વાહનચાલકો ટ્રાફિક નિયંત્રણ કરવાના પ્રયત્નો હાથ ધર્યા હતા. પોલીસે ઘટનાસ્થળે પહોંચી ટ્રાફિક નિયંત્રણ કરાવ્યું હતું. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).