Face Of Nation 16-05-2022 : ટીવી અભિનેત્રી શુભાવી ચોક્સી પાસે કઈક આવું થયું છે. તેમણે નિર્માતા પાસે જ્યારે રવિવારના દિવસે રજા માંગવા માટે કહ્યું તો તેમને શોમાંથી બહારનો માર્ગ બતાવી દેવામાં આવ્યો. શુભાવી ચોક્સીએ હાલમાં એક ઈન્ટરવ્યુમાં આ વાતનો ખુલાસો કર્યો. તેમણે કહ્યું કે, રવિવારના દિવસે મેં રજા માંગતા મને શોમાંથી કાઢી દેવામાં આવી. અભિનેત્રીએ કહ્યું કે હું નિર્માતાની પરેશાની સમજુ છું પરંતુ મારે પણ રજાની જરૂર છે. કારણ કે, મારે મારા દીકરાની સારસંભાળ કરવી છે. શુભાવી ચોક્સીનું કહેવુ છે કે તેઓ રવિવારના દિવસે તેના મિત્રો અને પરિવાર સાથે સમય વિતાવવા માંગે છે.
શરૂઆતમાં રવિવારના દિવસે પણ કામ કર્યુ
શુભાવીએ આ દરમ્યાન કહ્યું કે, ટીવી ઈન્ડસ્ટ્રીમાં કામ કરનારા લોકોને વીકલી ઑફ મળવો જોઈએ. તેમણે કહ્યું સાચુ તો એ છે કે, લોકોને રવિવારની રજા આપવામાં આવે. તેમણે પોતાના ઈન્ટરવ્યુમાં જણાવ્યું કે, તેણે તેની કારકિર્દીની શરૂઆતમાં રવિવારના દિવસે પણ કામ કર્યુ છે. તેમણે કહ્યું કે, મારે દીકરો થયો છે તેથી મેં વિચાર્યુ હતુ કે, દીકરો અને પતિની સાથે સમય વિતાવવા માટે હું એક દિવસની રજા લઇશ. આ દરમ્યાન તેમણે એવું પણ કહ્યું કે ઘણા મેકર્સે તેની માંગને માની અને તેને રવિવારે રજા આપી.
રવિવારે રજા લેવી મારા માટે અત્યંત જરૂરી: શુભાવી
મહત્વનું છે કે શુભાવી ચોક્સી કસોટી જિંદગી કે-2, ક્યોંકિ સાસ ભી કભી બહૂ થી, તીન બહુરાનિયાં અને કહાની ઘર ઘર કી માં કામ કર્યુ છે. અત્યારે શુભાવી બડે અચ્છે લગતે હૈ-2માં જોવા મળી રહી છે. શુભાવીએ કહ્યું છે કે તેમણે વર્ષ 2012થી જ રવિવારે રજા લેવાનુ શરૂ કર્યુ હતુ. તેમણે કહ્યું કે આ તેમના માટે અત્યંત જરૂરી છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
