Face Of Nation 24-06-2022 : ‘તારક મહેતા કા ઉલ્ટા ચશ્મા’માં અંજલિભાભીનો રોલ પહેલાં નેહા મહેતા ભજવતી હતી. નેહાએ બે વર્ષ પહેલાં આ શો છોડી દીધો છે. આ શો છોડ્યા બાદ નેહા મહેતા અન્ય કોઈ ટીવી શોમાં જોવા મળી નથી. હવે આ સિરિયલમાં એક્ટ્રેસ સુનૈના ફોજદાર અંજલિભાભીના રોલમાં જોવા મળે છે. નેહાએ સિરિયલ છોડ્યાના આટલા સમય બાદ પોતાના પૈસા હજી સુધી ના મળ્યાની ફરિયાદ કરી છે. હાલમાં જ નેહાએ એક ગુજરાતી ફિલ્મનું શૂટિંગ પૂરું કર્યું છે. નેહાની ગુજરાતી ફિલ્મ ‘હલકી ફુલકી’ ગયા વર્ષે રિલીઝ થઈ હતી.
છેલ્લાં છ મહિનાના પૈસા હજી સુધી મળ્યા નથી
નેહા મહેતાને ‘તારક મહેતા..’માં કામ કર્યાના બાકી પૈસા હજી સુધી મળ્યા નથી. નેહાએ કહ્યું હતું કે તે ગૌરવપૂર્ણ જીવન જીવવામાં માને છે અને કોઈ પણ જાતની ફરિયાદ કરવી તેને પસંદ નથી. તેણે ‘તારક મહેતા..’માં 12 વર્ષ સુધી કામ કર્યું છે અને પછી તેણે આ શો 2020માં છોડ્યો હતો. તેને છેલ્લાં છ મહિનાના પૈસા હજી સુધી મળ્યા નથી. શો છોડ્યા બાદ તેણે બાકી રહેલા પૈસા માટે ફોન કર્યા હતા. તેને આશા છે કે આ સમસ્યાનો જલ્દીથી ઉકેલ આવશે અને તેને તેની મહેનતના પૈસા મળી જશે.
12 વર્ષ સુધી એક શોમાં કામ કર્યું હતું
નેહા હજી સુધી અન્ય શોમાં જોવા મળી નથી, આ અંગે એક્ટ્રેસે કહ્યું હતું કે, તે સારી ઑફર્સની રાહ જુએ છે. ટીવી ઘણું જ સારું માધ્યમ છે અને આ માધ્યમે તેને ઘણું આપ્યું છે. તેણે 12 વર્ષ સુધી એક શોમાં કામ કર્યું હતું અને તે તરત જ બીજા શોમાં કામ કરવા તૈયાર નહોતી. તે નવા કોન્સેપ્ટ્સ તથા પોતાના પ્રોડક્શન હાઉસ પર ફોકસ કરે છે. તેને આશા છે કે તે ટૂંક સમયમાં વેબ શોમાં કામ કરશે. નેહાએ કહ્યું હતું કે વેબ સારું માધ્યમ છે, પરંતુ તે ક્યારેય ટીવીની જગ્યા લઈ શકે નહીં. ટીવી માસ મીડિયમ છે અને ભારતના લોકોને ટીવી જોવામાં મજા આવે છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
