Face Of Nation:ધ્રાંગધ્રા હળવદ હાઇવે જાણે કે, અકસ્માત ઝોન બની ગયો તેમ અવારનવાર આ રસ્તા પર અકસ્માતો થતા રહે છે. આજે આ હાઇવે પર ટ્રક અને કાર વચ્ચે અકસ્માત સર્જાયો હતો જેમા બે લોકોના કરૂણ મોત નીપજ્યા હતાં. આ અકસ્માતમાં કારનો કચ્ચરઘાણ નિકળી ગયો હતો.
ધ્રાંગધ્રા હળવદ હાઇવે પાસેનાં દુદાપુર ગામ પાસે અકસ્માત સર્જાયો હતો. આ અકસ્માતમાં ટ્રકે કારને અડફેટે લીધી હતી. જેના કારણે બે લોકોનાં કરૂણ મોત નીપજ્યા હતાં. ત્યાં જ આ અકસ્માતમાં એક વ્યક્તિ ગંભીર રીતે ઇજાગ્રસ્ત થયો છે જેને સારવાર અર્થે તાત્કાલિક હોસ્પિટલ ખાતે ખસેડવામાં આવ્યો છે. અકસ્માતનાં પગલે સ્થાનિક લોકોનાં ટોળા ઉમટી પડ્યા હતાં જેના કારણે હાઇવે પર બે કિ.મી.લાંબો ટ્રાફિકજામ સર્જાયો હતો.
