Face Of Nation 05-06-2022 : હાર્દિક પટેલ ભાજપમાં જોડાતા પાટીદાર યુવાનોમાં આક્રોશ છે. ત્યારે મહેસાણાના ઉનાવા ખાતે હાર્દિક પટેલને ભાજપમાં આવકારતા પોસ્ટર પર કાળી શાહી લગાવીને રોષ ઠાલવવામાં આવ્યો છે. પાટીદાર યુવા અગ્રણી ધનજી પાટીદારે હાર્દિક પટેલને આવકારતા પોસ્ટર પર હાર્દિકની તસવીર અને હાર્દિકના નામ પર કાળી શાહી લગાવી છે. ધનજી પાટીદારે શાહી લગાવતો વીડિયો પણ બનાવ્યો છે.
પાટીદાર સમાજમાં નારાજગી અને વિરોધ
બે દિવસ અગાઉ કોંગ્રેસથી છેડો ફાડી હાર્દિક પટેલ ભાજપમાં જોડાયો હતો. જેણે લઇ ઉત્તર ગુજરાતના પાટીદાર અગ્રણીઓમાં ભારે નારાજગી અને રોષ જોવા મળી રહ્યો છે. હાર્દિક ભાજમાં જોડાયો ત્યારે એક નિવેદનમાં જણાવ્યું હતું કે, પાટીદાર આંદોલન સમયગાળા દરમિયાન કેટલાક અસામાજિક તત્વોએ નુકશાન કર્યું હતું. હાર્દિકના આ નિવેદન આપ્યા બાદ હાલમાં પાટીદાર સમાજમાં નારાજગી જોવા મળી રહી છે.
કાળી શાહી લગાવતો બનાવ્યો વીડિયો
મહેસાણા જિલ્લા સહિત ઉત્તર ગુજરાતના મોટા ભાગના પાટીદાર હાર્દિક પટેલના આ નિવેદનથી નારાજ જોવા મળી રહ્યા છે. ત્યારે જિલ્લાના ઊંઝા તાલુકાના ઉનાવા ખાતે હાઇવે પર ભાજપ દ્વારા હાર્દિકને આવકારતા પોસ્ટર લગાવવામાં આવ્યા હતા. જે પોસ્ટર કર પાટીદાર અગ્રણી ધનજી પાટીદારે હાર્દિક પટેલના ફોટો પર કાળી શાહીનો સ્પ્રે મારી પોસ્ટર કાળા કર્યા હતા. જેમાં હાર્દિક પટેલના નામને પણ કાળી શાહી લગાવતો વીડિયો બનાવી તેમણે વાયરલ કર્યો છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
