https://youtu.be/Lk3Xy9sNePs
Face Of Nation 24-06-2022 : કોંગ્રેસના સાંસદ રાહુલ ગાંધીની કેરળના વાયનાડ ઓફિસમાં કેટલાંક લોકોએ તોડફોડ કરી છે. કોંગ્રેસે ઘટનાની પાછળ સ્ટૂડન્ટ્સ ફેડરેશન ઓફ ઈન્ડિયા (SFI)નો હાથ હોવાનો આરોપ લગાવ્યો છે. પાર્ટીએ કહ્યું કે, SFIના લોકો હાથમાં ઝંડા લઈને કાર્યાલયની બારી પર ચઢી ગયા અને તોડફોડ કરી. તો બીજીતરફ સુપ્રીમ કોર્ટના ચુકાદા પર રાહુલના મૌનથી નારાજ લોકો હાલમાં જ સુપ્રીમ કોર્ટે સંરક્ષિત ક્ષેત્રો, વન્યજીવ અભ્યારણ અને રાષ્ટ્રીય ઉદ્યાનોની આસપાસના એક કિલોમીટરના વિસ્તારને પર્યાવરણ સંવેદનશીલ ક્ષેત્ર (ESZ) ક્ષેત્ર જાહેર કરી દીધો છે. આ નિર્ણયથી નારાજ આ લોકોની માગ છે કે રાહુલ ગાંધી આ મુદ્દે પોતાનું મૌન તોડે. ન માત્ર રાહુલ ગાંધીની ઓફિસમાં તોડફોડ કરવામાં આવી, પરંતુ કાર્યાલયના કર્મચારીઓ સાથે પણ મારામારી કરવામાં આવી. કોંગ્રેસ નેતા અને ધારાસભ્ય ટી સિદ્દીકીએ આરોપ લગાવ્યો કે આ પૂર્વ નિયોજિત હુમલો હતો. તેમને રાજ્યમાં બગડતી જતી કાયદા વ્યવસ્થાને લઈને મુખ્યમંત્રી પી વિજયન પર સવાલ ઉઠાવ્યા છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
