Face Of Nation 18-06-2022 : બિહારમાં કેન્દ્રની અગ્નિપથ યોજના સામે વિરોધ પ્રદર્શનનો શનિવાર ચોથો દિવસ છે. પટનાના મસૌઢીમાં તારગેના રેલવે સ્ટેશન પાસે પથ્થરમારો અને ફાયરિંગ કરવામાં આવ્યું છે. પ્રદર્શનકારીઓએ રેલવે સ્ટેશનમાં તોડફોડ કરી હતી. પાર્કિંગમાં પાર્ક કરાયેલા વાહનોને આગ ચાંપી દેવામાં આવી હતી. પ્રદર્શનકારીઓએ પોલીસ પર પથ્થરમારો કર્યો હતો. પોલીસે તેને કાબૂમાં લેવા માટે અનેક રાઉન્ડ ફાયરિંગ કર્યું હતું. તો બીજીતરફ બિહારમાં ઉગ્ર પ્રદર્શનને જોતા રેલવે વિભાગે મોટો નિર્ણય લીધો છે. ટ્રેનો અને મુસાફરોની સુરક્ષાને ધ્યાનમાં રાખીને હવે બિહારમાં પૂર્વ મધ્ય રેલવે ક્ષેત્રમાંથી પસાર થતી ટ્રેનો આજથી 20મી જૂન સુધી રાત્રે 8 વાગ્યાથી સવારે 4 વાગ્યા સુધી જ ચાલશે.
19મી સુધી ઈન્ટરનેટ બંધ કરી દેવાઈ છે
મસૌઢીમાં સવારે 8 વાગે વિદ્યાર્થીઓ સ્ટેશન પર ભેગા થવા લાગ્યા હતા. વિદ્યાર્થીઓએ તોડફોડ શરૂ કરી હતી. સ્ટેશન માસ્ટરની કેબિન અને બુકિંગ કાઉન્ટરને સળગાવી દેવામાં આવ્યું હતું. વાહનોમાં તોડફોડ પણ કરવામાં આવી હતી. આ પછી, પ્રદર્શનકારીઓ તરફથી પોલીસ પર 10-15 રાઉન્ડ ફાયરિંગ કરવામાં આવ્યું હતું. બચાવમાં પોલીસે 100થી વધુ રાઉન્ડ ફાયરિંગ કર્યું હતુ. કેન્દ્રની અગ્નિપથ યોજના વિરુદ્ધ આજે બિહાર બંધનું એલાન આપવામાં આવ્યું છે. આ માટે લોકોના સહકારની પણ અપીલ કરવામાં આવી રહી છે. 15મી જિલ્લામાં 19મી સુધી ઈન્ટરનેટ બંધ કરી દેવામાં આવ્યું છે. વિરોધ પ્રદર્શનને જોતા ખાનગી શાળાઓમાં પણ આજે રજા રાખવામાં આવી છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
