Face Of Nation 16-07-2022 : ભારતીય કેપ્ટન રોહિત શર્મા ગુરુવારે વિરાટ કોહલીનાં ફોર્મ પરનાં સવાલ પર ભડકી ગયો હતો. તો બીજી તરફ બટલરે પણ કોહલીનો બચાવ કર્યો હતો. બીજી વનડે મેચ પૂરી થયા બાદ બન્ને કેપ્ટનો પોસ્ટ મેચ કોન્ફરન્સમાં મીડિયા સાથે ચર્ચા કરી રહ્યા હતા. ત્યારે વિરાટ કોહલીનાં ફોર્મ વિશે સવાલ થતાં રોહિત ભડક્યો હતો.
બસ એકાદ બે સારી ઇનિંગ્સની જરૂર : રોહિત
35 વર્ષિય કેપ્ટન રોહિત શર્માએ ગુસ્સે થતાં કહ્યું કે મને એ સમજમાં નહિ આવતું કે આ વિષય પર આટલી ચર્ચા કેમ થઈ રહી છે? કોહલી ઘણી મેચો રમ્યો છે. અને તે પાછલા કેટલાક વર્ષોથી રમી રહ્યો છે. તે એક મહાન બેટ્સમેન છે, તેને કોઈ જ પ્રકારનાં આશ્વાસનની જરૂર નથી. મેં અગાઉ પણ આ વિષે ચર્ચા કરીને કહ્યુ હતુ કે, ફોર્મ ઉપર-નીચે થતું રહે છે, આ તો કોઈ પણ ક્રિકેટરનાં કરિયરનો ભાગ છે. તેને બસ એકાદ બે સારી ઇનિંગ્સની જરૂર છે.
દરેક ખેલાડીનાં કરિયરમાં ખરાબ સમય આવે
રોહિતે વધુમાં જણાવ્યુ હતુ કે મને ભરોસો છે કે જે લોકો ક્રિકેટ સમજે છે તે લોકો પણ આવું જ વિચારતા હશે. વિરાટે ઘણાં રનો ફટકારેલા છે, તેની એવરેજ જોવો, તેણે ફટકારેલી સદીઓ જોવો. આ બધું જ વિરાટે કરેલું છે. દરેક ખેલાડીનાં કરિયરમાં ખરાબ સમય આવે છે. દુનિયામાં એવો કોઈ ખેલાડી નથી કે જેણે દરેક મેચમાં રન બનાવ્યા હોય. તો બીજીતરફ બીજી તરફ જોસ બટલરે પણ કોહલીનો બચાવ કરતા કહ્યુ હતુ કે તેના પ્રદર્શન પર સવાલ ઉઠાવી ના શકાય. તેણે છેલ્લા કેટલાક વર્ષો દરમિયાન સારૂ પ્રદર્શન કર્યુ છે. આપણે વિચારવું જોઈએ કે તે પણ એક માણસ જ છે. અને તે કોઈ દિવસ ઓછા સ્કોરમાં આઉટ થઈ શકે છે. તે દુનિયાનો સર્વશ્રેષ્ઠ બેટ્મેનોમાંનો એક છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
