Face Of Nation 15-07-2022 : જૂનાગઢ શહેરમાં પડી રહેલા ભારે વરસાદની અસર સક્કરબાગમાં આવતા મુલાકાતીઓ પર પણ પડી છે. છેલ્લા 10 દિવસમાં આવનાર પ્રવાસીની સંખ્યા ઘટી જવા પામી છે. જોકે, શનિ અને રવિવારે થોડી ભીડ રહે છે બાકીના દિવસોમાં પ્રવાસીની ઘટ રહે છે. એમાં પણ પહેલીથી 10 જૂલાઇ સુધીમાં તો વિદ્યાર્થીની એકપણ ટ્રીપ થઇ ન હોય આ 10 દિવસો દરમિયાન સક્કરબાગ પ્રાણી સંગ્રહાલયમાં નાના મોટા વિદ્યાર્થીઓની સંખ્યા ઝીરો(0) રહી છે. જ્યારે આ દિવસોમાં મુલાકાત લેનારા સિનીયર સિટીઝનોની સંખ્યા પણ માત્ર 57 જ રહેવા પામી છે.
ભારે વરસાદના કારણે પ્રવાસીઓની સંખ્યામાં ઘટાડો
આ અંગે જૂનાગઢ સક્કરબાગ પ્રાણી સંગ્રહાલયના આરએફઓ નિરવ મકવાણાએ જણાવ્યું હતું કે, સક્કરબાગની મુલાકાતે મોટી સંખ્યામાં પ્રવાસીઓ આવતા હતા. જોકે, છેલ્લા કેટલાક સમયથી પડી રહેલા ભારે વરસાદના કારણે આવનાર પ્રવાસીઓની સંખ્યામાં ઘટાડો થયો છે. જ્યાં દરરોજના 2,500થી વધુ પ્રવાસીઓ સક્કરબાગ પ્રાણી સંગ્રહાલયની મુલાકાતે આવતા હતા તે વરસાદના દિવસોમાં ઘટીને એક સમયે 539 સુુધી પહોંચી ગયા હતા.
સિનીયર સિટીઝનોની સંખ્યામાં પણ ઘટાડો
એમાં પણ વિદ્યાર્થીઓની ટ્રીપ બંધ થઇ ગઇ છે. પરિણામે પહેલીથી લઇને 10 જૂલાઇ સુધીમાં એકપણ નાના મોટા વિદ્યાર્થીઓની સક્કરબાગમાં એન્ટ્રી થઇ નથી. એજ રીતે સિનીયર સિટીઝનોની સંખ્યામાં પણ ઘટાડો થયો છે. પહેલીથી 10 જૂલાઇ સુધીમાં માત્ર 57 સિનીયર સિટીઝનોએ સક્કરબાગની મુલાકાત લીધી છે. એમાં પણ ચારેક દિવસને બાદ કરતા તો એક-એક સિનીયર સિટીઝનો મુલાકાતે આવ્યા હતા.
વરસાદી સિઝનને લઇ પ્રાણીઓની વિશેષ કાળજી
હાલ વરસાદી સિઝન છે તેને લઇને સક્કરબાગની વેટરનરી તબીબોની ટીમ વન્યજીવોની વિશેષ કાળજી લઇ રહી છે જેથી કોઇ મુશ્કેલી ન સર્જાય. આ ઉપરાંત પાંજરા વગેરેની પણ નિયમિત તેમજ દર બુધવારે સક્કરબાગ રજાના કારણે બંધ હોય ત્યારે પણ સાફ સફાઇની વિશેષ કાળજી લેવાય છે જેથી મચ્છર જેવા જીવજંતુ ન થાય. – નિરવ મકવાણા, આરએફઓ. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
