Face Of Nation 30-04-2022 : થોડાં સમય પહેલાં સાઉથ સ્ટાર અલ્લુ અર્જુને તમાકુની જાહેરાત ઠુકરાવી હતી. ત્યારબાદ અક્ષય કુમારે પાન મસાલાની જાહેરાત કરવા બદલ માફી માગી હતી. હવે ‘KGF 2’ ફૅમ યશે પાન મસાલાની જાહેરાત ઠુકરાવી હતી. યશની એન્ડોર્સમેન્ટ ડીલ કરતી કંપની એક્સીડ એન્ટરટેઇનમેન્ટે આ વાતની પુષ્ટી કરી હતી.
યશને લોભામણી ઑફર કરવામાં આવી હતી
એક્સીડ એન્ટરટેઇનમેન્ટના હેડ અર્જુન બેનર્જીએ કહ્યું હતું, ‘પાન મસાલા તથા તેના જેવી પ્રોડક્ટ્સ લોકોના સ્વાસ્થ્યને ગંભીર રીતે અસર કરે છે અને જીવન માટે જોખમી સાબિત થાય છે. યશે હીરોઇક પગલું ભરીને આ ઑફર ઠુકરાવી દીધી છે. પાન મસાલાની જાહેરાત માટે યશને લોભામણી ઑફર કરવામાં આવી હતી. જોકે, યશે પોતાના ચાહકો તથા ફોલોઅર્સને ધ્યાનમાં રાખીને ઑફરનો સ્વીકાર કર્યો નહોતો. આખા દેશમાં યશની લોકપ્રિયતાને જોતા અમે ઈચ્છીએ છીએ કે તેની લોકપ્રિયતાનો યોગ્ય રીતે સારો સંદેશ આપવા માટે ઉપયોગ કરવામાં આવે. યશ સારી બાબતોને પ્રમોટ કરવા માગે છે.
આ પહેલાં અલ્લુએ તમાકુની જાહેરાત ઠુકરાવી
સાઉથના સુપરસ્ટાર અલ્લુ અર્જુને તમાકુ કંપનીની જાહેરાત ઑફર ઠુકરાવી દીધી હતી. મીડિયા રિપોર્ટ્સ પ્રમાણે, કંપનીએ અલ્લુને કરોડો રૂપિયાની ઑફર કરી હતી. અલ્લુ પોતાના ચાહકોની વચ્ચે કોઈ પણ ખોટી વસ્તુ પ્રમોટ કરવા માગતો નહોતો. અલ્લુ તમાકુ ખાતો નથી. આ જ કારણે તેણે તમાકુ કંપનીની બ્રાન્ડ એન્ડોર્સ કરવાની ચોખ્ખી ના પાડી દીધી. અલ્લુના નિકટના સૂત્રોએ કહ્યું હતું કે ફિલ્મમાં સ્મોકિંગ કરવું એક્ટરના હાથમાં નથી. જોકે, તે પ્રયાસ કરે છે કે કોઈ બીજી વ્યક્તિ તમાકુનું સેવન ના કરે. તે આનાથી બચવા માટેના મેસેજ પણ આપતો હોય છે.
અક્ષય કુમારે માફી માગી હતી
અજય દેવગન, શાહરુખ ખાન પછી અક્ષય કુમારે પાન મસાલાની જાહેરાત કરી છે. આ અંગે સો.મીડિયા યુઝર્સે અક્ષય કુમારને ટ્રોલ કર્યો હતો, કારણ કે અનેક ઇન્ટરવ્યૂમાં અક્ષય કુમારે કહ્યું હતું કે, તમાકુ કંપનીઓ તેને કરોડો રૂપિયાની ઑફર કરે છે, પરંતુ તે સ્વીકારતો નથી. આટલું જ નહીં અક્ષય કુમાર ફિટનેસ માટે પણ ચાહકોમાં લોકપ્રિય છે. આથી જ યુઝર્સે તેને ટ્રોલ કર્યો હતો. વિવાદ વધતા અક્ષયે માફી માગી હતી. માફીનામામાં અક્ષયે કહ્યું હતું, ‘હું મારા તમામ ચાહકો તથા શુભેચ્છકોની માફી માગું છું. છેલ્લા કેટલાક દિવસોમાં તમારી પ્રતિક્રિયાએ મને હચમચાવી નાખ્યો છે. હું તમાકુનું સમર્થન કરતો નથી. તમે તમામે જે રીતે વિમલ ઇલાયચીની સાથે મારા જોડાણ અંગે તમારી ભાવના વ્યક્ત કરી એનું સન્માન કરું છું. હું પૂરી વિનમ્રતાથી આમાંથી પાછળ હટું છું. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
