Face Of Nation 26-02-2022 : મુખ્યમંત્રી યોગી આદિત્યનાથ વિધાનસભા ચૂંટણીને લઇને પ્રચાર કરવા પહોંચ્યાં હતાં. એ જ સમયે મુખ્યમંત્રી યોગી આદિત્યનાથે બુલડોઝર જોતા ભારે ખુશખુશાલ થઇ ગયા. હેલિકોપ્ટરમાં પોતાના સહયોગીને પણ મુખ્યમંત્રી યોગી આદિત્યનાથે બુલડોઝર દેખાડ્યું. બુલડોઝર જોતા જ યોગી આદિત્યનાથે કહ્યું કે, “ત્યાં જુઓ…બુલડોઝર પણ ઊભા છે મારી સભામાં.” હવે મુખ્યમંત્રી યોગી આદિત્યનાથનો આ વીડિયો હાલમાં સોશિયલ મીડિયામાં ખૂબ વાયરલ થઇ રહ્યો છે. જેની પર લોકોની જાતજાતની પ્રતિક્રિયાઓ આવી રહી છે.
પોસ્ટર પર લખ્યું હતું, બાબા કા બુલડોઝર
એવું કહેવાય છે કે, મુખ્યમંત્રી યોગી આદિત્યનાથ સુલ્તાનપુરમાં એક જનસભાને સંબોધિત કરવા જઇ રહ્યાં હતાં. ત્યારે તેઓએ પોતાની સભામાં હેલિકોપ્ટર દ્વારા નીચે બુલડોઝર જોયું. જેમાં તેમની સભામાં તેઓએ પાંચ બુલડોઝર ઊભેલા જોયા જેની પર એક મોટું પોસ્ટર લાગ્યું હતું. તે પોસ્ટર પર લખ્યું હતું કે, ‘બાબા કા બુલડોઝર.’ આ વીડિયો ભાજપના નેતાઓ દ્વારા પણ શેર કરવામાં આવી રહ્યો છે.
10 માર્ચના રોજ ઉત્તર પ્રદેશ સહિત પાંચ રાજ્યોના ચૂંટણી પરિણામ
તમને જણાવી દઇએ કે, ઉત્તર પ્રદેશ ચૂંટણીમાં અત્યાર સુધી ચાર ચરણોનું મતદાન થઇ ચૂક્યું છે. આ સાથે જ પાંચમા ચરણ અંતર્ગત 27 ફેબ્રુઆરીના રોજ રાજ્યમાં મતદાન યોજાશે. એ દરમ્યાન સુલ્તાનપુરની સીટ પર પણ વોટિંગ કરવામાં આવશે. જેને લઇને શુક્રવારના રોજ પ્રચારનો અંતિમ દિવસ હતો. યુપીમાં સાત ચરણોની વિધાનસભા ચૂંટણી 7 માર્ચના ખતમ થઇ રહી છે. જ્યારે 10 માર્ચના રોજ ઉત્તર પ્રદેશ સહિત પાંચ રાજ્યોના ચૂંટણી પરિણામ આવશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
