Face Of Nation 09-04-2022 : હોલિવુડનાં પોપ્યુલર એક્ટર વિલ સ્મિથ પર અકાદમી ઓફ મોશન પિક્ચર આર્ટસ એન્ડ સાઈન્સેઝએ ‘જાપટ કાંડ’ પર કડક એક્શન લેતા 10 વર્ષ સુધી ઓસ્કારમાં સામેલ થવા પર પ્રતિબંધ લગાવ્યો છે. વિલ સ્મિથનાં ઓસ્કાર એવોર્ડ શોમાં આમેરિકાનાં મશહૂર કોમેડિયન અને હોસ્ટ ક્રિસ રોકને જોરદાર થપ્પડ માર્યા બાદ જે વિવાદ શરૂ થયો હતો, તે વિવાદ બાદ અકાદમીએ આ પગલું ભર્યું છે. વિલ સ્મિથ હવે આવતા 10 વર્ષો સુધી ઓસ્કારનાં કોઈ પણ પ્રોગ્રામમાં ભાગ નહી લઇ શકે. ઓસ્કાર એવોર્ડ શો દરમિયાન, વિલ સ્મિથે પોતાની પત્ની અને એક્ટ્રેસ જેડા પિન્કેટ સ્મિથ વિરુદ્ધ અપમાનજનક ટિપ્પણી કરવા પર હોસ્ટ ક્રિસ રોકને જોરદા જાપટ મારી દીધી હતી. જોકે આ ઘટના બાદ તેમણે માફી પણ માંગી હતી અને અકાદમી દ્વારા લેવામાં આવતા કોઈપણ એક્શનને સ્વીકાર કરવાની વાત પણ કરી હતી.
94મો ઓસ્કાર ઘણા લોકો માટે ખુશી મનાવવા માટે હતો
અકાદમી ઓફ મોશન પિક્ચર્સ આર્ટસ એંડ સાઈન્સેઝનાં પ્રેસિડંટ ડેવિડ રૂબીન ઓફ ચીફ એક્ઝીક્યુટીવ ડાન હડસને જાહેરાત કરી કે,94મો ઓસ્કાર ઘણા લોકો માટે ખુશી મનાવવા માટે હતો, જેમણે ગયા વર્ષે અવિશ્વસનીય કામ કર્યું હતું. પરંતુ આ દરમિયાન વિલ સ્મિથ દ્વારા કરવામાં આવેલ અસ્વીકાર્ય વ્યવહારે આ બધા પર પાણી ફેરવી દીધું.
પોસ્ટ દ્વારા પણ ક્રિસને જાપટ મારવા પર માફી માંગી
વિલ સ્મિથને પોતાની ફિલ્મ કિંગ રિચર્ડ માટે બેસ્ટ એક્ટરનો એવોર્ડ મળ્યો હતો. ઓસ્કાર મળ્યા બાદ પોતાની સ્પીચ આપતા આપતા રડી પડ્યા. એક્ટરે એક લાંબી સ્પીચ આપીને એવોર્ડનો સ્વીકાર કર્યો અને આ સ્પીચ દરમિયાન, તેમણે ક્રિસ રોક સાથે બનેલ ઘટનાને પણ યાદ કરી. તેમણે રિચર્ડ વિલિયમ્સ કે જેનું પાત્ર તેમણે ભજવ્યું હતું, તેના વખાણ કરતા કહ્યું કે તે પોતાના પરિવારનો રક્ષક છે. આ ઉપરાંત તેમણે ઇન્સ્ટાગ્રામ પોસ્ટ દ્વારા પણ ક્રીસ રોકને જાપટ મારવા પર માફી માંગી હતી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
