Face Of Nation 05-07-2022 : ગુજરાતમાં કોરોનાના કેસોમાં બે દિવસ બાદ ફરી એકવાર વધારો થયો છે. છેલ્લા 24 કલાકમાં કોરોનાના 572 નવા કેસ નોંધાયા છે. જ્યારે 489 દર્દી સાજા થયા છે. એક્ટિવ કેસનો આંકડો 3595 છે, જ્યારે રાજ્યમાં કોરોનાનો રિક્વરી રેટ ઘટીને 98.82 ટકા થયો છે. જ્યારે આજે રાજ્યમાં એક પણ દર્દીનું કોરોનાથી મોત થયું નથી.
રાજ્યમાં 3595 એક્ટિવ કેસ, 2 દિવસ બાદ 500થી વધુ કેસ
રાજ્યમાં અત્યાર સુધીમાં 12 લાખ 34 હજાર 689ના રિપોર્ટ પોઝિટિવ આવ્યા છે, જ્યારે મૃત્યુઆંક 10 હજાર 948 પર સ્થિર છે. તેમજ અત્યાર સુધીમાં 12 લાખ 20 હજાર 146 દર્દી ડિસ્ચાર્જ થયા છે. એક્ટિવ કેસની વાત કરીએ તો રાજ્યમાં હાલ 3595 એક્ટિવ કેસ છે, 1 દર્દી વેન્ટિલેટર પર છે અને તમામ 3594 દર્દીઓની હાલત સ્થિર છે. તો બીજીતરફ ગુજરાતમાં આજે બે દિવસ બાદ 500થી વધુ કેસ નોંધાયા છે. આજે 572 કેસ, જ્યારે ગઈકાલે 419 કેસ નોંધાયા હતા. આ પહેલા સળંગ ચાર દિવસ 500થી વધુ કેસ નોંધાયા હતા. જ્યારે 16 જૂને 110 દિવસ બાદ 200નો આંકડો પાર થયો હતો અને 228 કેસ નોંધાયા હતા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
