Face Of Nation 02-05-2022 : સૌરાષ્ટ્રમાં લોકડાયરો હોય અને ચલણી નોટનો વરસાદ ન થાય તેવું ભાગ્યે જ બને. જૂનાગઢના મેંદરડા તાલુકામાં ગૌશાળાના લાભાર્થે યોજાયેલા ડાયરામાં ધારાસભ્ય જવાહર ચાવડા પર એટલા રૂપિયા ઊડ્યા હતા કે ધારાસભ્ય દેખાતા બંધ થઈ ગયા હતા. કીર્તિદાન ગઢવી અને માયાભાઈ આહિરના લોકડાયરામાં ઉપસ્થિત લોકોએ મનમૂકીને રૂપિયાનો વરસાદ કર્યો હતો. તો બીજીતરફ લોકડાયરામાં માણાવદરના ધારાસભ્ય જવાહર ચાવડા પર ચલણી નોટનો વરસાદ કરવામાં આવ્યો હતો. જવાહર ચાવડાને બેસાડી તેની માથે એટલા રૂપિયાનો વરસાદ કરાયો કે ચલણી નોટનો ડુંગર થઈ ગયો. ધારાસભ્ય ચલણી નોટની નીચે ઢંકાઈ ગયા હતા. સંતો મહંતોના સાંનિધ્યમાં ગાયોના સંવર્ધન તથા સંરક્ષણ માટે લોકડાયરાનું આયોજન મેંદરડામાં નાજાપુર રોડ ખાતે માણાવદર મેંદરડા વિસ્તારના ધારાસભ્ય એવા પૂર્વ મંત્રી જવાહરભાઈ ચાવડા દ્વારા કરવામાં આવેલ હતું. લોકડાયરામા પ્રસિદ્ધ કલાકારો કિર્તીદાન ગઢવી, માયાભાઈ આહીર સાથે અનેક કલાકાર સંગીતવૃંદ સાજીંદાઓ સાથે હાજર રહ્યા હતા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
